4 mil ka magtutudlo gilingaw
CEBU, Philippines — Gipahalipayan sa kagamhanan sa Dakbayan sa Lapu-Lapu ang 4 mil ka magtutudlo gikan sa pribado ug pampublikong eskwelahan sa siyudad alang sa pagsaulog sa “World Teachers’ Day” sa niaging semana.
Si Mayor Paz Radaza nagkanayon nga mao kini ang pamaagi sa siyudad sa pag-ila sa mga natampo sa mga magtutudlo sa paghatag og tarong nga edukasiyon alang sa mga kabatan-onan.
Sulod sa Hoopsdome gilingaw ang mga magtutudlo diin usa ka grupo sa inilang comedy bar nipasundayag sa ilahang talento sama sa pagsayaw ug pagpakatawa ngadto kanila.
Lakip sa nipahalipay sa mga magtutudlo mao ang singer nga si Jaya, ang “Queen of Soul” sa nasud kinsa nihalad og kanta.
Mapasalamaton si Radaza ngadto sa mga magtutudlo tungod kay nahimo silang isip ikaduhang pamilya sa mga estudyante ug sa ilahang dedikasyon nga maedukar ang mga bata. (BANAT NEWS)
- Latest
