CFBJ nagpili og bag-ong mga opisyal

CEBU, Philippines — Kabahin sa kalihukan sa pagbukas sa Cebu Press Freedom Week kagahapon ang pagpili sa Cebu Federation of Beat Journalists sa bag-ong mga opisyal alang sa tuig 2018-2019.

Human sa 14 ka tuig niya nga nangulo sa CFBJ, nagpapuli na si Elias Baquero sa Sunstar gumikan sa iyang paglarga sa Estados Unidos karong adlawa ingon man moretiro na sab siya sunod tuig.

Napili nga bag-ong presidente si Mitchelle Palaubsanon sa The Freeman, bise presidente si Arnold Bustamante sa DyHP ug CCTN, secretary si Razel Cuizon sa Sunstar, treasurer si Herty Lopez sa Superbalita, auditor si Gregg Rubio sa Banat News/The Freeman, sergeant-at-arms sila si Chris Ligan sa CCTN ug Gabriel Bonjoc sa DySS ug TF/Banat News samtang gitudlo nga adviser si Baquero.

“Thank you my fellow media practitioners for the trust and confidence. Cebu Federation of Beat Journalists let’s rock ‘n roll as we celebrate Cebu Press Freedom Week, the only event in the entire country where all media practitioners are united in bringing out the truth in journalism!” pamahayag ni Palaubsanon human sa iyang pagkapili sa posisyon.

Ang bag-ong mga opisyal sa CFBJ manumpa sa katungdanan atol sa General Assembly ugmang adlawa nga gipaluyohan sa Philippine Eco-Gas Producers Cooperative (PEPC). (BANAT NEWS)