Gipangitaan sa sukli nanghagis
CEBU, Philippines — Tungod lang sa P20 nga sukli, nanghagis ang 18-anyos nga lalaki sa Sitio Luna, Lagtang, Dakbayan sa Talisay niadtong Sabado sa hapon.
Si Supt. Marlu Conag, hepe sa kapolisan sa siyudad, niingon nga nibisita ang suspek nga si Jethro Mamac, 18, taga Pahina Central, Siyudad sa Sugbo, sa pinuy-anan sa iyang inahan nga si Lennie Apellanes.
Giingong may gisugo sa pagpapalit ang suspek ug sa pagbalik niini gipangitaan sa sukli nga P20.
Nasuko ang suspek hinungdan nga nanghagis ug gibadlong sa inahan apan gisumbag hinoon niya.
Nialma si Galen Servidor, 38-anyos ug ama-ama sa suspek kinsa dali nga nakagunit og tubo dayun gihapos.
Nasamdan sa wala nga kilay ug wala nga tiil si Servidor hinungdan nga dali sila nga nitawag og mga barangay tanod nga sila si Bernabe Alegarma ug Alvin Silva.
Gi-turnover sa kapolisan ang dinakpan ug gitanggong sa bilanggoan. (BANAT NEWS)
- Latest
