Babayeng grade 6 pupils ipaubos sa STEM program
CEBU, Philippines – Ang Philippine Business Education (PBEd) nagpahigayon og programa alang sa ilang kampaniya nga STEMPOWER OUR GILRS alang sa mga babaye nga estudyante sa grade 6 niadtong adlaw’ng Martes diha sa Radisson Blu.
Pinaagi sa programa, sobra sa 100 ka estudyante sa grade 6 gikan sa mga pampublikong eskwelahan sa tibuok nasud ang mapaubos sa espesyal nga pagbansay ug pagtudlo sa kababayen-an sa Pilipinas nga mga scientists, technology ug innovation drivers ug industry captains.
Ang STEM usa ka social impact nga programa nga gipatuman sa PBEd ug communication firm Evident Communications.
Kini ang tubag sa direktiba sa disparity tali sa gidaghanon sa mga lalaki ug babaye sa karera sa science, technology, engineering ug mathematics (STEM).
Ang pundo sa maong programa naggikan sa Investing in Women ug initiative sa Australian Government.
Matud sa PBEd nga sa middle school ang mga babaye dunay interest sa STEM apan kini nga interest nikunhod samtang sila nisulod sa tuig sa high school.
Ang PBEd, Evident Communications ug Investing in Women mag-implementar sa #STEMPower Our Girls Program sa tulo ka mga pilot areas sa nasud nga langkuban sa Metro Manila, Metro Cebu ug Cagayan de Oro.
Adunay kinatibuk-ang 40 ka babaye matag pilot area ang mapilian base sa academic merit ug proclaimed interest sa STEM. (/BDB)(BANAT NEWS)
- Latest
