596 butane canister nasakmit
CEBU, Philippines – Niabot sa 596 ka butane canister ang nasakmit sa kapolisan sa Siyudad sa Talisay diha sa Nacario Market sa Barangay Tabunok, Dakbayan sa Talisay kagahapon sa buntag.
Duha ka lalaki kinsa naimbargohan sa maong mga butane canister giila nga sila si Rosebert Olivida, 28-anyos, lumad nga taga Surigao City ug si Manuel Abegunia, 60, nagpuyo sa Barangay Tabunok.
Si Superintendent Marlu Conag, pangulo sa kapolisan sa siyudad nibutyag nga nakadawat sila og reklamo gikan sa Department of Energy (DOE) labot sa pagpamaligya og butane diha sa lugar hinungdan nga nipahigayon dayon sila og operasyon.
Matud ni Conag nga aduna pa silay laing nakompiska nga butane canister diha sa nahisgutang lugar diin wala ang namaligya niini.
Iyang gipasabot nga gidili gyud ang pag-refill sa butane tungod kay mao kini kasagarang hinungdan sa sunog.
Si Abegunia nibutyag nga gikan sa Indian national ang ilang baligya nga butane nga si Ricky Singh. (/BDB)(BANAT NEWS)
- Latest
