Memory card sa dash cam ni Tecson ipa-turnover
CEBU, Philippines — Gitataw sa tigpamaba sa Police Regional Office 7, Supt. Reyman Tolentin, nga walay administratibang kalapasan ang igsuon ni Philippine Drug Enforcement Agency (PDEA-7) agent Von Rian Tecson nga si SPO1 Von Tecson.
Kini kung isumiter niini ang memory card sa dash cam sa sakyanan sa igsuon ngadto sa National Bureau of Investigation.
Ang pamilyang Tecson ang nidangop sa NBI-7 aron matabangan sa imbestigasyon sa pagbanhig patay sa PDEA agent.
Apan gipatin-aw ni Tolentin nga katungod sa pamilyang Tecson kung asa sila nga ahensiya sa gobiyerno magpatabang.
Gibanhigan patay si Tecson sa Sitio Gaymakers, Perrelos, Carcar City niadtong Agosto 8.
Usa ka SPO1 Roderick Balili ang nadangat sa Cebu South General Hospital sa Dakbayan sa Naga hinungdan nga dunay estorya nga kini ang nagpusil apan nabawsan og pusil ni Tecson.
Gihimakak na kini sa Police Regional Office-7 ug giingong aksidenteng naunay sa iyang armas si Balili samtang nag-surveillance sa Pinamungahan. (BANAT NEWS)
- Latest
