Larsian sirad-an na sab

CEBU, Philippines – Mohangyo ngadto sa lokal nga kagamhanan sa dakbayan sa Sugbo ang administrador sa Larsian Barbeque Strip nga tugotan ang mga stall owners niini nga anha usa temporaryo maninda sa bakante nga luna atbang sa Larsian.

Matud ni Joey Herrera nga nisaad siya ngadto sa mga stall owners nga motabang kon asa sila temporaryong makapaninda human nga ipasirado sulod sa duha ka bulan ang Larsian alang sa renovation nga himoon sa bulan sa Hunyo o sa Hulyo.

Si Herrera nagkanayon nga kon itugot, maninda sila gikan sa alas-4 sa hapon hangtod sa alas-2 sa kaadlawon. Ang ayuhon mao ang drainage system aron nga masulbad ang problema sa kalimpyo sa lugar nga maoy reklamo sa mga kustomer.

Sulod usab sa duha ka bulan, ipaubos sa training sa customer service ug food handling ang mga stall owners sa Larsian pinaagi sa Cebu City Health Office.  Gipaabot nga sa bulan sa Septiyembre, buksan balik ang maong barbeque strip. (/IBM)(BANAT NEWS)