CEBU, Philippines — Giuswag ngadto sa Hunyo ang pagsumiter sa election turnout sa Barangay ug Sangguniang Kabataan Elections sa Lalawigan sa Sugbo nga unta kagahapon ra ang deadline sa ulohang buhatan sa Commission on Elections.
Matud ni Atty. Lionel Marco Castillano, provincial election supervisor, nga naproblema karon ang mga lokal nga buhatan sa Comelec kalabot sa statistics sa election turnout.
"Sa una male ug female ra ba, karon apil na ang senior citizen, person with disabilities, indigenous people (nga iapil sa data) unya tagsa-tagsaon man na sa atong tawo, mao nga gi-extend na to June 8," matud ni Castillano. (BANAT NEWS)