CEBU, Philippines – Gipaubos sa surprise drug test ang 114 ka empleyado sa Cebu City Health Department ug ang 38 ka empleyado sa Civil Registrar's Office kagahapon nga gipahigayon sa Cebu City Office for Substance Abuse Prevention (COSAP).
Karong tuiga ang City Health Department mao ang ika-12 nga departamento ug ang Civil Registrar's Office mao ang ika-13 nga departamento nga gipaubos sa surprise drug test sa COSAP.
Matud sa hepe sa COSAP, Garry Lao, nga sa 5,000 kapin ka empleyado sa City Hall, dul-an sa 800 na ka empleyado ang napaubos sa drug test gikan sa buwan sa Enero hangtud Abril.
Gipaabot nga sulod niining semanaha mahibaw-an ang resulta sa drug test kon duna bay nagpositibo o wala. (/GMR)(BANAT NEWS)