CEBU, Philippines — Ang Cebu Filipino Chinese Chamber of Commerce (CFCCC) nga gipangulohan ni Ambassador Frank Benedicto mipahigayon og medical mission sa mga residente sa Barangay Apas, Dakbayan sa Sugbo kagahapon.
Nakapahimulos og libreng check-up ug tambal ang 170 ka mga residente sa dapit.
Si Kapitan Ramil Ayuman sa Brgy. Apas nagkanayon nga walo ka doktor gikan sa CFCCC ug onse ka health worker sa ilang barangay ang mihimo sa medical mission.
Iyang gitataw nga ang katuyuan sa ilang medical mission mao ang pagtabang sa mga kabus ug buot nila kining ipadayon aron daghan pa ang makapahimulos.
“I’m so glad that we have made this charitable work in helping the poor. Anyone will be glad being able to see a poor which is handed a help”, dugang ni Benedicto. - Jade Aura C. Mojado, PIT Intern (BANAT NEWS)