CEBU, Philippines – Patay ang usa ka lalaki human kini mapusilan sa ulo niadtong Biyernes sa Barangay Candabong, Alcantara.
Ang biktima giila nga si Glen Degoro, residente sa maong dapit kinsa nakaangkon og samad pinusilan sa ulo.
Nakadawat og report ang Alcantara Police Station mga alas dos sa kaadlawon gikan sa usa ka tanod nga adunay lalaking naghigda sa dalan nga nagkadugo ang ulo.
Sa gihimong imbestigasyon sa kapolisan padulong na mopauli ang biktima sa ilang panimalay sa dihang kalit kining gipusil sa usa ka Arwin Magdasal.
Gidala ang biktima sa Badian District Hospital apan gideklarar kini nga dead on arrival sa doktor nga miatiman. Kasamtangan pang gipangita ang suspetsado sanglit wala na sab kini miuli sa ilang panimalay sukad sa panghitabo. Gisusi pa sab sa mga kapulisan kon unsa ang posibling motibo sa pagpamusil. (CNU Intern/IBM)(BANAT NEWS)