CEBU, Philippines – Kumpiyansa lang ang pangulo sa kapulisan sa Siyudad sa Naga karong piniliay sa Sangguniang Kabataan (SK) ug Barangay elections tungod kay wala’y hotspot nga lugar nga iyang nakita.
Matud pa ni Chief Insp. Roderick Gonzales nga nalipay siya nga walay grabe kaayong panagribal sa mga kandidato diha sa siyudad ug ang iyang panghinaot nga magpadayon kini hangtud mahuman.
Gibasehan ni Gonzales mao ang duha ka miaging piniliay nga nahimong malinawon ug hapsay nga piniliay.
Karong nahuman na ang filing sa COCs, magsugod na sila pagsusi sa mga kandidato.
Kadtong mga lugar nga makonsiderar nga hot spot mao kadtong dunay mga bayolenteng panghitabo sa nangaging mga piniliay ug kining mga lugara maoy tutokan sa kapolisan. (/IBM)(BANAT NEWS)