CEBU, Philippines — Nadawat sa 17,000 ka narehistrong senior citizens sa Dakbayan sa Mandaue ang tag P2,000 nga financial assistance nga gihatag sa kagamhanan sa dakbayan alang sa unang hugna nga pag-apod-apod niining tuiga.
Gisugdan ang ceremonial distribution nga gipangulohan ni Mayor Luigi Quisumbing sa Barangay Subangdaku kauban usab sa ubang mga barangay sa Guizo, Tipolo, Mantuyong ug Barangay Centro.
Ang maong kantidad maoy kabahin sa tag P6,000 nga madawat sa mga senior citizens matag tuig.
Matud ni Bise Mayor Carlo Fortuna nga ang financial assistance distribution himoon sulod sa tulo ka hugna.
Sa Agosto ang ikaduhang hugna ug ang katapusan unya sa Disyembre. (BANAT NEWS)