Nitubag sa telepono gipusil patay

CEBU, Philippines — Usa ka habal-habal driver ang gipusil patay sa dihang mitubag kini og tawag sa iyang telepono samtang nag-inom, Sabado sa kaadlawon diha sa Sitio Sto. Niño Barangay Inayawan Cebu City.

Base sa inisyal nga imbestigasyon sa Cebu City Police Office- Homicide Section,  nag-inom ang biktima nga si Jonathan Amarillo Abasolo, 22, uban sa  mga higala niini sa usa ka tindahan.

Giingong nananghid kini kay adunay tubagon sa telepono og mibuwag sa tapok ug mipadung sa ngitngit nga eskina apan didto gipusil kini sa makadaghang higayon sa wa mailhing tawo.

Matud ni SPO3 Rommel Bancog, base sa nakuhang impormasyon adunay nakasumpaki ang biktima sa dihang wala pa kini gipusil. (IBM) (BANAT NEWS)