CEBU, Philippines — Nakapili na ang Bids and Awards Committee sa Dakbayan sa Sugbo og supplier sa brand new nga timbangan nga ibutang sa kontrobersiyal nga Inayawan landfill.
Ang Albatech ang gideklarar sa BAC nga winning supplier sa maong timbangan nga gigahinan og P3 milyones nga pundo.
Sa duha ka bidders, ang Albatech nitanyag sa labing ubos nga presyo nga P2.5 milyones.
Gipaabot nga i-isyu ang Notice to Award karong semanaha apan molanat pa og tulo ka buwan una ang bag-ong timbangan magamit.
“I-import pa man na nila kay orderon pa man na kay dili mana locally-made, then aside from that i-install pa na and i-test to check nga wala’y glitch,” matud ni Ronaldo Malacora.
Ang Albatech usa ka supplier nga nagbase sa Dakbayan sa Mandaue. (BANAT NEWS)