120 ka bungi target sa Operation Smile
Sulod sa 20 ka tuig na ang Operation Smile-Cebu Mission ug karong tuiga ang mga pasyente gioperahan sa Visayas Community Medical Center sa Dakbayan sa Sugbo. File
CEBU, Philippines — Tinguha sa Operation Smile-Cebu Mission nga maka-opera og libre sa 120 ka bata nga bungi ug nguhal sulod sa lima ka adlaw nga mission karong adlawa.
Ang Operation Smile-Cebu Mission inubanan sa Mariquita Salimbangon-Yeung Charitable Foundation Inc. (MSYCFI)
Matud ni Carla Yeung-Mckowen kinsa maoy nirepresentar sa iyang inahan nga si Mariquita, ang founder sa MSYCFI, nga magpabilin nga mosuporta ang ilang tibuok pamilya sa maong kawsa isip social responsibility nila sa katawhan.
“We will always be here and we will always continue to help whatever it takes. Our support is endless," matud ni Mckowen sa press conference.
Sulod sa 20 ka tuig na ang Operation Smile-Cebu Mission ug karong tuiga ang mga pasyente gioperahan sa Visayas Community Medical Center sa Dakbayan sa Sugbo.
Ang maong operasyon kung himoon sa usa ka pribadong tambalanan magkantidad kini og P80,000 ngadto sa P150,000 lakip na sa bayad sa doctor, hospital, medisina ug uban pa. Apan ang maong mission, libre lang kini nga gihatag sa mga kabus nga mga pasyente nga gikan pa sa nagkadaiyang dapit sa nasud. (BANAT NEWS)
- Latest
