CEBU, Philippines — Nasikop sa kapolisan sa Dakbayan sa Toledo ang duha ka lalaki ug usa ka babaye sa gipahigayong managlahi nga buy-bust operation.
Giila ang dinakpan nga sila si Jinky Toledo Navarro alyas “Piko” 35-anyos, taga Sitio Baybay, Barangay Poblacion kinsa maoy subject sa buy-bust ug usa ka Arlene Camangyan Manabat alyas “Madam A”, 41-anyos, kinsa giingong kapuyo sa subject ug lumad nga taga Barangay Canlumampao.
Nakuhaan si Piko og lima ka gagmay nga putos sa gituohang shabu ug kwarta nga P2,500 nga gituohang halin niini.
Samtang nasikop usab si Enocencio Purisima Calipay alyas “Bulldog” 22-anyos, taga Sitio Luray 1, Barangay Poblacion.
Nasakmitan kini og tulo ka gagmay’ng pakete sa gituohang shabu ug ang P200 nga buy-bust money. Ang tulo ka mga dinakpan giingong anaa sa drugwatch list sa Toledo PNP.
Gitanggong na sila karon sa Toledo City Police Station ug gikatakdang pasakaan og tukmang kaso. (BANAT NEWS)