CEBU, Philippines — “Sukad bata pa ko kay nangandoy na gyud ko nga mahimong judge sa dance competition. When I watch competition, I look more on the judges on how they judge, their gestures, the way they assess, and their footwork.”
Kini matud pa sa Sugbuanong Licensed Adjudicator sa Ballroom Dancing ug Certified Dance Instructor nga si Kurt Buenconsejo, 27 anyos ug lumad nga taga Poblacion, Dalaguete, Cebu.
Giasoy ni Kurt sa Banat News Tingusbawan nga bata pa lang siya hilig na gyud siyang mosayaw ug nakitaan na og potensiyal sa iyahang uyoan.
“I was inspired by my lola and tiyo who are both dance instructors. Malingaw ko magtan-aw nila magsayaw-sayaw. I learned to love ballroom dancing ug gitudloan ko ni tiyo since he saw my potential.”
Ika-11 siya sa 12 ka mga managsuon sa polis kaniadto nga amahan ug plain housewife nga inahan.
Gipasigarbo gayud ni Kurt ang iyahang mga ginikanan kay bisan gamay ra og sweldo iyahang amahan wala gyud kini ingon nga naglisod og maayo sa pagbuhi nilang tanan. Nagtungha siya sa Dalaguete Central School sa elementarya diin nakadawat siya og award nga Best in Math.
Gumikan sa kanihit sa public high school sa ilahang lugar kaniadto, napugos iyahang mga ginikanan sa pagpatungha niya sa pribadong tunghaan. Sa Pope John XXIII seminary siya nagtuon hangtod 2nd year high school dayon nibalhin sa St. Mary’s Academy sa Dalaguete ug didto na nigradwar sa tuig 2006.
Kanunay mangulo si Kurt sa sayaw sa ilahang tunghaan sukad pa sa elementarya. Niapil sab kini og dance troop sa high school.
Nipadayon siya sa kolehiyo ug nikuha sa kursong BS-Accountancy sa University of San Carlos. Apan sa 3rd year college na kini nibalhin siya sa kursong Management Accounting human nagkaproblema sa iyahang grado.
Sa pagtungha niya sa USC siya ang nagbayad sa iyahang matrikula. Matag gabii, human sa iyahang klase magtrabaho siya isip freelance dance instructor ug uban pang mga raket aron pagsustinir sa iyahang pag-eskwela.
“When I was studying, akong gidungan ang akoang showdance performer sa ballroom dancing ug pag DI,”niya pa. Gawas sa pagsayaw gisuklan sab ni Kurt ang pag-host sa bisan unsa nga party.
“There was a time nga mag-host ko unya ako ra sab ang motawag sa akong kaugalingon para mag-perform.”
Kasagaran gyud itudlo ni Kurt mao ang ballroom dancing kay mao man ang iyahang forte.
Sa sige niya og trabaho isip freelance dance instructor sa kolehiyo pa siya, nakita niya ang kanindot sa maong trabaho sanglit dagko man siya og kinitaan niini ug makabayad gyud siya sa iyahang tuition fee ug makapalit sa iyahang mga gikinahanglan.
Gibutyag sa dancer nga pito gyud siya katuig nga nagtungha sa kolehiyo. Kini tungod kay dili man siya makakuha og full load kanunay tungod kay dili man magkatakdo ang iyahang oras sa klase ug trabaho isip DI.
“Kung magpaenrol ko og full load, akong ipa-withdraw ang subject nga conflict sa oras sa akong client. Of course I need my regular clients to pay my tuition.”
Aduna’y semester sab nga nihunong siya pagtungha tungod kay magsige man siya og byahe aron magtudlo og sayaw.
Bisan pa man sa ka-busy sa iyahang schedule, wala gyud niya kini giisip nga suliran sa iyahang pagtuon ug pagtrabaho.
“Ako man gud, I’ll just take things easy. Dili nako pugson akong kaugalingon. If I feel like i-withdraw ang subject kay conflict, kay ako gyud i-withdraw.”
Apan aduna’y higayon gyud nga nakuyapan siya sa ilahang tunghaan tungod sa kakapoy ug wala’y tulog.
Gipaambit sab ni Kurt nga sa nagtungha pa siya kay wala siya’y dala nga mga libro ug ang sulod lang sa iyahang bag mao ang mga costumes nga iyahang gamiton matag gabii.
Taas gyud ang gitungas ni Kurt una siya nigradwar sa kolehiyo niadtong tuig 2013. Unya, nakatrabaho siya isip ESL teacher sa pipila lang ka buwan. Niundang siya ug nakahukom nga magtudlo og sayaw sa nagkalain-laing probinsiya sa nasud.
“I traveled a lot to teach dancing.”
Nagdoble og kayod si Kurt aron makatigom og kwarta pambayad sa pagakuhaon niyang exam kaniadto sa United Kingdom Alliance aron mahimong Professional Dance Teacher.
Samtang nagtudlo og sayaw, nag-review pud siya sa Manila sulod sa duha ka semana. Apan sa kinatibuk-an duha sab ka tuig niya kining gipangandaman nga exam. Gibuligan siya sa Kahitas-an ug nakapasar niaging tuig.
Human niini, ni-perform dayon siya sa Singapore ug dayon nitikang sa Malaysia aron pag-attend og congress alang sa pagkat-on og mga bag-ong techniques sa pagtudlo og sayaw.
Pila ka buwan ang nilabay nahitabo ang dakong katumanan sa iyahang uyamot nga pangandoy lang kaniadto nga mamahimong judge sa usa ka ballroom dance competition. Hingpit nga naangkon ni Kurt ang iyahang lisensya isip Adjudicator sa World Dance Council.
“I’ve been dreaming of being able to adjudicate in the world dance competition.”
Nahimo na siyang usa sa mga hurado sa nagkalain-laing international ballroom dancing competitions didto sa Thailand, Hong Kong, Malaysia ug uban pa.
“Adjudication is based on your personal assumption but guided on the technique. Ang challenge ra gyud ana is to realize what we are looking for in the contestants ilabi na sila tanan maayo,” pasabot pa niya.
Ang pagsayaw maoy naghatag og bulok sa iyahang kinabuhi karon, ug dako gyud kini og gikatabang sa iyahang kinabuhi.
“It’s my passion. I can’t imagine myself without it. It’s my way of expressing myself. Whenever I feel lonely and in pain, I just dance,”padayag pa ni Kurt.
Gawas sa naangkong mga lisensya, sukad kaniadto kay kanunay gyud siya modaog sa mga giapilang kompetisyon dinhi ug gawas sa nasud diin usa na niini mao ang La Danzare Diva Dance Sport Competition.
Busa dako siya og utang kabubut-on sa tuboran ning tanan nga kalamposan karon, nga mao ang Ginoo.
“He helped me a lot. Everytime I need something, iya gyud ihatag.”
Gipaambit sab ni Kurt nga gikinahanglan siyang padayon nga magtuon aron dili maulahi sa ubang mga instructors.
“This is my source of income so I must compete with other teachers. I have to keep the quality of my teaching and I have to update it kay dili man pwede balik-balik.” “Being a performer and a dance teacher, kinahanglan nga kahibalo ka makisama. You need to adjust to them. Honesty is the best policy. Kahibalo ka unsay kiliti sa usa ka client.”
Bisan pa man nga taas na siya og nakab-ot sa kinabuhi, pabilin siyang mapaubsanon. “I treat everybody equal. That’s why people love me. Humility is number one, second patience, and third be ambitious.
Nagsugod ang tanan niyang kalamposan sa pagpangandoy, busa tambag niya ngadto sa tanang aspiring dancers mao nga mangandoy sab.
“I’ve been telling them to be ambitious. If somebody looks down on you for being ambitious, let it be your motivation.”
Don’t be afraid of failure. Have faith. Whatever you dream of, make a plan, then work your plan.”