Palibot sa basilica hawanan atol sa piyesta
Namatikdan niya nga dili mahatagan og higayon ang ubang deboto nga makasulod sa simbahan tungod sa wala’y klaro nga agianan. Kristine Joyce W. Campaña
CEBU, Philippines — Naglaraw ang kapolisan nga idili na ang mga street vendors ug kadtong mga mag-camping nga mga deboto sa kadalanan palibot sa Basilica Minore del Santo Niño aron mas hapsay ang umaabot nga Piyesta Señor 2018 ingon man ang Sinulog 2018.
Matud ni Police Regional Office-7 Director, Chief Supt. Jose Mario Espino, nga usa sab siya ka deboto ni Senior Santo Niño ug matud pa nga kada tuig siya nga mamiyesta sa Sugbo.
Namatikdan niya nga dili mahatagan og higayon ang ubang deboto nga makasulod sa simbahan tungod sa wala’y klaro nga agianan.
Nisamot sab ang kahuot sa lugar tungod sa mga manindahay nga nagpwesto palibot sa simbahan.
"We will make sure na ang area ng simbahan will be in an orderly manner. Hindi yung panata mo na mahirapan ka magsimba. That is my promise to Sto. Niño na talagang everybody will have an easy going in and out of the church," matud ni Espino.
Hinoon gitataw ni Espino nga sabutan pa kini nila ni Mayor Tomas Osmeña.
Pabutangan sab og tarung nga agianan ang sulod sa maong simbahan aron dali ra ang pagsulod ug paggawas sa mga tawo ilabi na panahon sa emergency.
Laing gibutyag ni Espino nga tungod sa nag-abot-abot nga mga deboto ug turista dili lang sa Senior Sto. Niño apan lakip na sa Birhen sa Regla, mas gipahugtan ang seguridad sa pasulod ug paggawas sa Sugbo.
Karong Nobiyembre 21 ang kapistahan sa Birhen sa Regla sa Dakbayan sa Lapu-lapu. (BANAT NEWS)
- Latest
