Dengue nikunhod
Matud ni Blanco nga 7,585 ka kaso ug 73 ang nakalas ang natala sa DOH-7 karong tuiga nga mas ubos sa 9,211 ka kaso ug 76 ang patay sa susamang mga buwan sa niaging tuig. Philstar.com/File
CEBU, Philippines - Niubos sa 18 porsiyento ang mga nasakit og dengue gikan Enero hangtud Hulyo karong tuiga itandi sa nilabay nga tuig sa susama nga buwan.
Kini ang gitug-an ni Dr. Shelbay Blanco, pangulo sa Epidemiology and Surveillance Unit sa Department of Health-7.
Matud ni Blanco nga 7,585 ka kaso ug 73 ang nakalas ang natala sa DOH-7 karong tuiga nga mas ubos sa 9,211 ka kaso ug 76 ang patay sa susamang mga buwan sa niaging tuig. Nag-una gihapon ang Dakbayan sa Sugbo nga adunay 1,663 ka kaso ug 21 ang patay; Lapu-Lapu City adunay 553 ka kaso ug pito ang patay, Mandaue City adunay 539 ka kaso ug usa ang patay, Talisay City 282 ka kaso ug pito ang patay, ug Dumaguete City adunay 279 ka kaso.
Dugang ni Blanco nga epektibo ang ilang kampanya batok sa dengue may kalabutan sa 4s kauban ang Probinsiya sa Sugbo kinsa nangulo sa Clean-Up Drive Program samtang sila sa massive information drive.
Si Blanco nipadayag nga padayon gihapon ang ilang immunization program sa kabarangayan nga maoy ilang long-term solution sa maong problema. (BANAT NEWS)
- Latest
