PRO-7, CPADAO uyon sa drug test sa DepEd

CEBU, Philippines - Dakong uyon si Police Regional Office-Central Visayas Director Noli Taliño ug Cebu Provincial Anti-Drug Abuse Office (CPADAO) sa plano sa Department of Education nga magpahigayon og random drug test sa mga magtutudlo  ug estudyante sa tanang pampublikong eskuylahan.

Si Education Secretary Leonor Briones sa iyang speech atol sa pag-abli sa Brigada Eskwela niadtong Lunes mipahibalo siya nga ipatuman na karung tuiga ang random drug test sa elementarya ug sekondarya aron malimpyo ang mga tunghaan sa mga magtutudlo nga nalambigit sa ilegal nga drugas.

Matud pa ni Taliño nga dako kining tabang sa ilang kampanya batok druga tungod kay dako’g tabang ang eskwelahan sa pag-edukar sa mga kabataan.

“That would really help us in terms of our mandate as well being the lead coordinating agency in the province it would be easier to us to coordinate with the provincial director of DepEd as well as different division of the component cities here in the province” sumala pa usab ni Ivy Durano-Meca ang pangulo sa CPADAO.

Ang CPADAO dugay nang naghulat nga mo-request ang DepEd sa ilang buhatan alang sa pagpahigayon sa maong drug test. (BANAT NEWS)