CEBU, Philippines - Ang Basak Lapu-Lapu City Jeepney Operators and Drivers Association Inc- National Confederation of Transport-workers Union-Visayas mosang-at og P1.50 nga petisyon sa pagpasaka sa minimum nga pletihan sa mga jeepneys.
Matud pa ni Metudio Belarmino, ang consultant sa BALACJODA-NCTU-Visayas nga alas 2:00 sa hapon nila iduso sa regional office sa Land Transportation Franchising and Regulatory Board-7 ang petisyon.
Sumala pa nila, ang padayon nga pagsaka sa presyo sa lana ug labi na sa nagkagrabeng problema sa trapiko maoy hinungdan nga nikubos og maayo ang ilang kinitaan. Ang Cebu Integrated Transport Multi-purpose Cooperative una nang nisang-at og P1.00 nga petisyon sa pagsaka sa minimum fare sa jeepneys. Ang LTFRB-7 motakda pa og laing public hearing sa maong duha ka petisyon. (BANAT NEWS)