Rehab program sa Mandaue padayon
CEBU, Philippines - Nagtambayayong sa ilang drug rehabilitation program ang Mandaue City Police Office, Department of Health, kagamhanan sa Dakbayan sa Mandaue ug relihiyosong pundok.
Si MCPO Director, Senior Superintendent Roberto Alanas, niingon nga kasamtangang nagpadayon ang programa nga giapilan sa mga drug surrenderers.
Gidapit sa mga sakop sa konseho sa dakbayan ang mga doctor ug batid sa panglawas sa regular session nga ilang gipahigayon diin ilang gituki ang himoon nga makatabang sa mga drug users nga nitahan ngadto sa kapolisan.
“We want to be able to offer education as well as rehabilitation for the surrenderees to aid in the anti-drug initiative (of the national government),” matud ni Mayor Gabriel Luis Quisumbing.
Si Alanas niingon nga sukad sa buwan sa Hulyo sa niaging tuig nga gisugdan ang Oplan Tukhang maoy ilang natala sa MCPO ang 1,467 ka tawo nga nalambigit sa ilegal nga drugas nga nitahan sa ilang buhatan.
Ang 1,293 nga nitahan niangkon sa ilang paggamit og shabu ug 174 kanila ang mga pushers og ilegal nga drugas.
Samtang ang DOH ang naghan-ay usab og mga guidelines alang sa gitanyag nilang programa uban ang Department of Labor and Employment. (BANAT NEWS)
- Latest
