Sigeng ma-late sa klase naghikog

CEBU, Philippines - Patay na nga naabot sa Tuburan District Hospital ang 15-anyos nga lalaki nga tinun-an sa Grade 7 human giingong naghikog sa payag likod sa ilang panimalay pasado alas 4 sa hapon niadtong Martes.

Sumala pa sa kapolisan nga posibleng kahadlok sa ginikanan nga silutan sa sige niyang ka-late sa klase ang hinungdan sa paghikog sa batan-on.

Sa sayo  pa niuli sa ilang panimalay alas 12 sa udto ang batan-on aron maniudto ug gisugo pa kini sa iyang amahan sa pagpakaon sa ilang mga binuhi una mobalik sa eskwelahan.

Sa wala damha nakit-an ang batan-on sa ilang silingan nga naghikog sa payag gamit ang pisi. Aldreth Cayas (BANAT NEWS)