Sakop sa team nanghulga taktakon
CEBU, Philippines - Hayan matangtang sa trabaho ang sakop sa Traffic Enforcement Agency of Mandaue (TEAM) tungod sa paghulga niya sa gidakop nga drayber kinsa nagdumili sa pagtahan sa iyang driver’s license niadtong Disyembre 16. Si Mayor Gabriel Luis “Luigi” Quisumbing niingon nga dili gyud siya makatugot nga masambugan og dautan ang mga maayo niyang tumong sa pagpangalagad sa katawhan.
Usa ka motorista nga nag-backride ang iyang asawa ang gigukod tungod sa pag-U-turn sa U. N. Avenue.
Naabot ang ginukdanay sa Pusok, Dakbayan sa Lapu-Lapu agi sa Marcelo Fernan Bridge ug gipangayo sa traffic enforcer ang lisensiya sa pagmaneho.
Dihang nagdumili sa paghatag, giingong gikwelyuhan sa traffic enforcer ang maong drayber.
Ang operations chief sa TEAM, Glenn Antigua, niingon nga ang iyang buhatan dili makatugot sa gipakita nga taras sa iyang sakop base usab sa video footage gikan sa usa ka establisemento nga nahimutang sa maong dapit. (BANAT NEWS)
- Latest
