Gas station gitulis, motor sa cashier gisakyan
CEBU, Philippines - Gitulis ang usa ka gasoline station sa Poblacion, Lungsod sa Pinamungajan sa nakalabay nga adlaw.
Ang FB Gasoline Station gitulis sa duha ka tawo nga nailhan nga sila si Joseph Bun Misa, 28, adunay kapuyo, taga Sitio Aleth, Cabitoonan, Dakbayan sa Toledo ug usa ka construction worker.
Laing suspek mao si Camilo Encila, 20, ulitawo, taga Poblacion, Pinamungajan.
Sa imbestigasyon sa kapolisan nasayran nga sayo sa buntag niadtong Sabado gitulis ang gasoline station sa mga suspek kinsa nagdala og kutsilyo ug tubo ug gition sa cashier nga si Lyndon Colegado ug kauban nga si Alfonso Vanguardia kinsa samdan sa iyang ulo.
Nakuha sa mga suspek ang gibana-bana nga P50 mil nga halin sa gasoline station ug dali sab nga nisibat. Daling niresponde ang kapolisan sa Pinamungajan nga gipangulohan ni Police Senior Inspector Carmelo Lesoy, ang hepe sa Pinamungajan Police Station.
Nasikop ang suspek nga si Encila apan si Misa ang naka-eskapo human nakasakay sa giingong gikarnap nga motorsiklo nga gipanag-iya sa cashier.
Nipahigayon og hot pursuit operation ang kapolisan ug nadakpan si Misa ug nabawi ang motorsiklo.
Apan gihimakak ni Misa nga anaa kaniya ang P50 mil. Gitanggong na sa Pinamungajan Police Station ang mga suspek ug gikatakdang pasakaan og tukmang kaso. (BANAT NEWS)
- Latest
