30% ra nakatuman sa solid waste management
CEBU, Philippines - Wala katunga sa tanang local government units sa Central Visayas ang nakatuman sa Republic Act 9003 o ang Ecological Solid Waste Management Act.
Matud ni Engr. Marco Andrew Silveron, supervising environmental management specialist sa Environmental Management Bureau-7 nga 30 porsiyento lang sa mga LGUs ang nakatuman tungod kay ang uban padayon pang nag-asikaso sa mga rekisitos nga kinahanglang sundon.
Sumala pa ni Silveron nga sa kinatibuk-an, adunay 87 ka open dumpsite sa Rehiyon 7 apan katunga pa niini ang nakaduso sa ilang mga plano sa pagsira ug pag-rehabilitate sa maong mga dumpsites samtang ang uban nagpabilin pa sa pagproseso aron kini masira.
Malaumon si Silveron nga mahatagan og prayoridad sa kagamhanan ang paghatag og bili sa balaud ug hatagan kini og tukma nga tawo nga modumala niini. (BANAT NEWS)
- Latest
