Nisukol sa mga polis napatay
CEBU, Philippines - Patay ang usa ka lalaking gipasanginlang tiggamitan og ilegal nga drugas human siya nisukol sa mga otoridad diha sa Sitio Price Gas, Brgy. South Poblacion, Dakbayan sa Naga.
Ang namatay mao si Jake Hernane, 26 , nagpuyo sa nahisgutang lugar, kansang balay rondahon unta sa kapolisan pinasikad sa search warrant tungod sa paghupot og ilegal nga drugas.
Apan matud pa ni PO3 Gilmer Noval sa Naga City Police Station pag-abot sa mga otoridad sa nahisgutang lugar gipabuthan sila sa suspetsado hinungdan sa ilang pagbawos.
Naigo si Hernane sa iyang dughan ug gidala siya sa Minglanilla District Hospital apan gideklarar siya nga dead on arrival. Nadakpan usab ang kauban ni Hernane nga sila si Cresanto Cabalde, 32 , ug Moises Mantuhak Jr., 37.
Ang namatay ang gipasanginlan usab sa kapolisan nga magmaoy ug magpabuto og armas ug manion kun mahubog ang namatay.
Apan ang asawa ni Hernane nga si Emily niingon nga dili magmaoy ang iyang bana ug wala sab kini gitiunan nga tawo sa iyang armas. Apan niangkon kini nga tiggamitan gyud og ilegal nga drugas ang iyang bana kaniadto sa batan-on pa kini. Miangkon hinuon siya nga dunay armas ang iyang bana apan di tinuod nga nisukol kini sa kapolisan.
Ang mga pulis nakarekober og kalibre .45 nga armas nga adunay unom ka bala, usa ka sudlanan sa cartridge, duha ka 5.56 fire cartridge, unom ka .45 cartridge, duha ka magazine sa .45, usa ka paltik nga .38 revolver nga adunay upat ka bala, tin foil, upat ka paketeng shabu nga adunay timbang 21.93 gramos nga adunay gibana-bana nga kantidad nga P225,000 mil.
Samtang ang mga dinakpan gikatakdang pasakaan og kaso. (BANAT NEWS)
- Latest
