Ikaduhang curfew operation nagmingaw
CEBU, Philippines - Wala nay na-rescue nga mga bata ang Mandaue City Police Office sa niaging Biyernes sa gabii atol sa ikaduhang operasyon ubos sa curfew ordinance sa siyudad.
Si Senior Superintendent Jonathan Cabal, director sa MCPO, nagkanayon nga posibleng wala na gipagawas sa mga ginikanan ang ilang anak tungod sa nahitabong kalit nga pag-rescue sa 55 ka menor de edad sa kadalanan sa siyudad niadtong Huwebes sa gabii.
"The result of the second day operation -- wala silang nahuli. The situation was normal. So hopefully maging ganon ang trend," matud ni Cabal.
Base sa ordinansa sa dakbayan nga napasar sa tuig 1999, magsugod ang curfew alas 11 sa gabii hangtud sa alas 4 sa kadlawon.
Matud ni Cabal nga sayo pa aron makaingon nga epektibo ang pag-implementar sa ordinansa tungod lang kay walay mga menor de edad nga nanuroy base sa ikaduhang operasyon.
Plano ni Cabal nga mobisita sa matag balay sa mga bata aron mahatagan sila og impormasyon.
Usa ka symposium alang sa pamilya ang buot isugyot ni Cabal sa bag-ong mayor nga si Kongresista Gabriel Luis “Luigi” Quisumbing. (BANAT NEWS)
- Latest
