CEBU, Philippines - Ipahigayon na usab karong adlawa ang ika-10 nga tuig sa Gabii sa Kabilin o ang Night of Heritage sa Dakbayan sa Sugbo.
Ang kalihukan sa dakbayan magsugod alas 6 sa gabii hangtud na sa alas 12 sa tungang gabii.
Sirad-an ang dalan Lopez Jaena St., Mabini, Ballesteros, P. Burgos, Colon gikan sa eskina D. Jakosalem ngadto na sa Mabini ug Osmeña Boulevard gikan sa D. Jakosalem ngadto sa M.J. Cuenco Avenue.
Si Jonathan Tumulak sa Cebu City Transportation Office niingon nga magsugod na sila og clearing sa kadalanan sugod sa alas 5 sa hapon hinungdan nga nihangyo siya sa mga mobiyahe nga molihay sa downtown area karong adlawa tungod sa posibleng paghuot sa dagan sa trapiko.
Si Tumulak niingon nga magpakatap sila og dili mominus sa 60 ka CCTO personnel sa kadalanan nga agian sa rota. (BANAT NEWS)