CEBU, Philippines – Hayan depektuso ang metro sa tubig sa nireklamong konsumedor nga daku ang iyang bayranan sa Metropolitan Cebu Water District bisan walay agas.
Kini ang pagduda ni Charmaine Kara, tigpamaba sa MCWD, human gikataho ang reklamo ni Richileto Reserva sa Sitio Kalinaw, Sambag 1, Dakbayan sa Sugbo. Matud ni Kara nga subay sa ilang palisiya nga ang ibutang sa MCWD ngadto sa bill sa konsumedor gibase kini sa average monthly consumption sa nakalabay nga tulo ka buwan.
Midugang si Kara nga ang billing adjustments himuon kung unsa ang mahimong resulta sa ilang inspeksyon.
“As for investigation, kung makit-an nga dili defective ang meter, dili mo-refund pero katong defective nga meter, naa tay action ana, unya kung naay complain, makuha sa office, adto sa billing mangutana, mo-require about ana nga complain,” matud ni Kara. - /GMR) (BANAT NEWS)