CEBU, Philippines - Mipadala og suwat ngadto kang acting mayor Margarita Osmeña pagsupak mahitungod sa dili nila pag-turn over sa mga sakyanan.
Si Philip Zafra, head sa Association of Barangay Captains nagkanayon nga kasagaran sa kapitan mopadala og suwat ngadto kang Osmeña aron ipasabot ang ilang mga rason bahin sa dili nila pag-uli sa mga sakyanan.
Miklaro si Zafra nga wala niya diktari ang maong mga barangay kapitan nga magkahiusa pagsupak sa memorandum order ni Osmeña.
Sumala pa ni Zafra nga tungod sa maong memorandum order daghang mga departamento sa siyudad ang naparalisar karon.
Midugang si Zafra nga dili na gayud makalihok ang barangay sanglit dili lamang ang sakyanan ang kuhaon kay apil usab ang mga motorsiklo.
Matud ni Zafra nga kung mag-imbentaryo ang tumong ni Osmeña, mamahimo siya nga makakuha og kopya sa mga dokumento sa kada sakyanan gikan sa General Services Office.
Si acting mayor Osmeña mibutyag nga ang maong mga sakyanan gipanag-iya sa dakbayan ug buot lamang niya mahibaw-an kung kinsa ang naggamit niini ug maghimo og inventory.
“There’s no harassment, it’s very clear. They can say what they want but how can I harass even myself, even the councilors, it’s not even theirs, they do not own it,” dugang ni Osmeña. (BANAT NEWS)