4 PAF personnel gidakop
CEBU, Philippines - Gidakop sa mga sakop sa Lapu-Lapu City Police Office ang upat ka Philippine Air Force personnel kagahapon sa alas 2:30 sa hapon human nalutsi og warrant of arrest sa kasong estafa niadtong Lunes.
Matud ni Senior Police Officer 4 Remedio Ngujo, hepe sa LCPO-Warrant Section, nga nag-atubang og kasong estafa gikan sa usa ka molupyo sa Ormoc City, Leyte sila si Lt. Gary Guinto, 30; SSgt. Elmer dela Cruz, 40; SSgt. Angelo Rosema, 38, ug Sgt. Gilbert Dimayuga kinsa mga kasamtangang residente sa Mactan Benito Ebuen Air Base.
Ang warrant gi-isyu niadtong Marso 8 ni Judge Girlie M. Borrel-Yu sa Regional Trial Court Branch 35 sa Ormoc City.
Gisusi sa grupo ni Ngujo ang kaso sa upat ka PAF personnel samtang gitanggong sa LCPO-detention cell. (BANAT NEWS)
- Latest
