20 ka lugar ipaubos sa EWAs

CEBU, Philippines - Nunot sa nagsingabot nga eleksyon karong bulan sa Mayo ang nagkadaiyang buhatan sa intelligence offices sa kapulisan dinhi sa rehiyon ang mirekomendar na sa 20 ka mga lungsod ug siyudad nga ipaubos sa Election Watchlist Areas (EWAs). Kini ang gitug-an ni Senior Superintendent Rey Lyndon Lawas ang Regional Deputy Director for Operations (DRDO) sa Police Regional Office-7 nga nahinabi sa mga tigbalita. Apan sumala pa ni Lawas nga gusto ni PRO-7 director, Chief Supt. Manuel Gaerlan nga tukion una sa Joint Security Coordinating Council ang maong rekomendasyon. Ang JSCC nga gilangkuban sa Commission on Elections, PNP ug AFP. Ang mga dapit nga ipaubos sa EWAS nagpasabot nga init ang panagribal sa mga politiko. (BANAT NEWS)