CEBU, Philippines - Subsob ang pagpangandam sa City Disaster Risk Reduction and Management Office sa Talisay nunot sa nagpadayon nga bati nga panahon.
Si Christopher Estrabon, CDRRM officer, nagkanayon nga ang Talisay maoy usa sa mga sentro nga apektado kun wala’y puas ang pag-uwan.
Sigun pa niya nga ang ilang buhatan ang nangandam sa posible unyang pagtumaw sa baha o ba kaha dahili sa yuta.
Si Estrabon niingon nga personal nilang gibisita ang mga barangay nga kasagarang apektado aron sila masayud kung unsa ang ilang buhaton panahon nga moigo ang katalagman.
Gitug-an ni Estrabon nga adunay pito ka barangay nga storm surge prone samtang walo ka barangay ang kasagarang maigo sa landslide.
Matud niya nga ilang gipaandam ang mga opisyal sa barangay tungod kay sila mismo ang nasayud ug sila sab ang dali nga makaresponde sa ilang hingtungdang lugar mao’ng angay lang sila nga masayud kun unsa ang ilang pagahimuon. (BANAT NEWS)