Tagbalay giatngan sa kawatan
CEBU, Philippines - Kapin sa P600 mil nga balor sa butang ug kwarta ang nahanaw sa usa ka tiguwang nga babaye human iya’ng lawak gilungkab sa Kamanggahan, Banawa, Guadalupe, Dakbayan sa Sugbo.
Ang kapolisan niila sa biktima nga si Lolita Zafra, 64, molupyo sa mao’ng dapit.
Si PO3 Desiderio Alfeche sa Guadalupe Police Station nagkanayon nga nahitabo ang pagpanglungkab alas dos sa hapon.
“Pag alas dose, ninglakaw ni si Lolita para mangompra ug pagdayon niya’ng gawas, iyang na-notice ang notado’ng kawatan sa ila’ng dapit nga naglingkod sa gutter duol sa ilaha. Mao to pag-uli niya sa ilaha pag alas 5:30, guba na ang backdoor sa iya’ng balay nga gituyo og abli gamit ang crowbar,” dugang ni Alfeche.
Pipila sa mga butang ni Zafra nga nakuha ang Apple iPod nga P27,000, Lenovo Tablet nga P6,000, tulo ka Samsung cellphones nga tag P4,300, gold necklace nga may Sto. Niño sa pendant nga P15,000, gold necklace nga may diamond flower isip pendant nga P7,000, necklace gold nga may cross isip pendant nga P27,000, upat ka gold necklace nga P80,000, upat ka unit sa wrist watch nga P50,000, tulo ka paresan sa gold ring nga P30,000, upat ka paresan sa gold earrings nga P50,000, kuwarta nga nagkantidad og P300,000, ug 100 US dollar. (BANAT NEWS)
- Latest
