Law students pabantayon sa eleksiyon
CEBU, Philippines - Uyon si Provincial Election Officer, Atty. Ferdinand Gujilde, nga optional ang pagserbisyo sa mga magtutudlo sa eleksiyon aron mahatagan og kahigayunan ang uban nga gustong moserbisyo.
Matud niya nga sa balaud karon, ang public school teachers ang primary nga mahimong Board of Election Inspectors (BEI) apan dili kini mandatory tungod kay kung magkuwang ang magtutudlo, ang Commission on Elections pwedeng makatudlo og ubang kawani sa gobyerno lakip na sa mga private school teachers.
Si Gujilde nipadayag sa iyang pag-uyon nga himuong optional lang ang pagserbisyo sa mga magtutudlo.
Buot si Gujilde nga mga law students ang pabantayon sa eleksiyon.
Hinuon matud usab niya nga mayoriya sa mga public school teachers ang gustong moserbisyo sa eleksiyon ug pipila lang ang dili ganahan.
Ang matag usa ka magtutudlo makadawat og P4,500 nga incentives sa duha ka adlaw nila’ng pagserbisyo wala’y labot sa training allowance nga P1,500 ngadto sa P2,000 gikan sa Comelec.
Dugang ni Gujilde nga dunay giduso nga balaudnon kabahin sa optional nga serbisyo sa mga magtutudlo panahon sa eleksiyon. (BANAT NEWS)
- Latest
