CEBU, Philippines – Napulo ka mga hepe sa kapulisan sa probinsya ang gipatawag sa direktor sa Cebu Provincial Police Office aron paesplikahon nganong napakyas sila sa “Oplan Limpyo Probinsya” nga miresulta sa pagkakompiskar sa P12 milyones nga kantidad sa drugas.
Sumala pa ni Senior Superintendent Clifford Gairanod, direktor sa CPPO nga niadtong adlaw nga Lunes iyang nasayran sa command conference nga adunay napulo ka mga hepe ang nagmika batok sa ilegal nga drugas.
Ang “Oplan Limpyo Probinsya” gihimo niadtong Enero 12 hangtod 18 lukop probinsya nga ang tumong mao ang paglusad og mga operasyon batok sa mga drug personalities sa mga lungsod.
Matud pa ni Gairanod nga samtang ang uban mihimo sa ilang trabaho ang napulo ka mga hepe wala molihok nianang mga petsaha, ang uban lapas na sa Enero 18 nakahimo og operasyon maong gusto silang paesplikahon ni Gairanod.
Kung mapakyas sa pagpasabot ang napulo ka mga pulis opisyal kini hayan mag-atubang og imbestigasyon. – /EIM) (BANAT NEWS)