P6.4B budget sa siyudad gipatuman na

CEBU, Philippines - Gipatuman na sa kagamhanan sa Dakbayan sa Sugbo ang P6.4 bilyones nga annual budget karong tuiga.

Kini ang gipahibawo ni City Budget Officer Marrieta Gumia bisan gikwestiyon ni acting Mayor Edgardo Labella ang pagpasar niini sa konseho.

Gipasabot ni Gumia nga igo lang siya nipatuman sa appropriation ordinance sa gipasar nga budget sa konseho human sa napulo ka adlaw nga giduso kini sa buhatan sa mayor.

Si Labella dili   supak sa pagpatuman sa annual budget bisan wala kini niya pirmahi.

Gikwestiyon ni Labella ang gidaghanon sa mga konsehal nga nipasar sa P6.4 bilyones nga budget.

Gipaabot ni Labella ang tubag sa Department of Budget and Management nga nag-review sa annual budget. (BANAT NEWS)

Show comments