CEBU, Philippines – Nahanaw sa mga kamot sa estudyante ang kwarta nga igbabayad sa eskwelahan human siya gitulis sa duha ka wala mailhi’ng lalaki sa Bulacao, Dakbayan sa Talisay niadto’ng Huwebes sa gabii.
Ang biktima nailhan nga si Charmie Ferrolino, hingkod, taga Tisa, Siyudad sa Sugbo.
Matud ni PO3 Junyl Ater sa Talisay City Police Station nga samtang sakay sa pangpasaheroang jeep ang biktima sa Barangay Tabunok, duha ka lalaki nga nisakay ug pag-abot sa nahisgutang lugar nibunot og armas dayon deklarar og tulis.
Tungod sa kahadlok sa biktima iya’ng gihatag ang bag nga adunay sulod nga kwarta nga kantidad og P5,000 ug uban pa niya’ng mga butang.
Sigun pa sa biktima ang mao’ng kwarta iya unta’ng ibayad sa eskwelahan aron siya makakuha sa eksaminasyon. (Gabriel C. Bonjoc/GMR)(BANAT NEWS)