Basin may problema sa pangisip?
CEBU, Philippines – Kun sa uban gikasilagan ang babayeng nidagit sa masuso sa Vicente Sotto Memorial Medical Center, apan si Dr. Renato Obra, pangulo sa Center for Behavioral Sciences sa Vicente Sotto Memorial Medical Center (VSMMC) nagtuo nga aduna kini gihambin nga balatian sa pangisip.
Si Obra mipasabot, posibleng nabuhat kini ni Melissa Londres tungod sa depresyon nga misangpot na hinoon sa gitawag nga “wishful thinking.”
Gipasabot usab ni Obra nga adunay susamang mga kaso nga masinati sa mga babayeng bag-o lang nanganak, nakasuway og aborsyon ug nakasinati og third trimester premature lakip na ang post partum depression.
Motumaw ang post partum depression o post partum psychosis gumikan sa pag-usab sa level sa hormones sa lawas sa babaye nga gitawag og estrogen ug progesterone.
Dugang ni Obra, aduna say posibilidad nga nakasinati karon og “severe form of psychopathology” nga gitawag og delusional kon false belief si Londres.
Si Obra mirekomendar nga mas maayong ipaubos sa evaluation sa mga psychiatrist si Londres aron mahibaw-an kun unsa gyud ang problema niini. – /EIM) (BANAT NEWS)
- Latest
