Cebu maoy probinsyang labing daghan og botante

CEBU, Philippines – Ang Sugbo maoy labing daghan og registered voters sa tanang probinsya sa tibuok nasud kay base sa talaan sa Comelec aduna kini 2,722,288 ka botante.

Ang Rehiyon-7 nga gilangkuban sa probinsiya sa Bohol, Cebu, Negros Oriental ug Siquijor adunay 4,375,756 ka rehistrado nga mga botante. Gawas sa Cebu, ang Bohol adunay 798,768 samtang ang Negros Oriental may 785,712 ka botante ug 68,988 sa Siquijor.

Ang Cebu gisundan sa Cavite nga sakop sa Rehiyon 4-A nga adunay 1,843,163 ka registered voters, ug ang ikatulo mao ang Pangasinan (1,705,000), dayon ikaupat ang Laguna (1,675,166).

Ang Negros Occidental maoy ikalima (1,663,492), ikaunom ang Bulacan (1,640,615), ikapito ang Batangas (1,526,196), ikawalo ang Rizal (1,450,458), ika-siyam ang Nueva Ecija (1,314,135) ug ang Pampanga maoy ika-napulo (1,278,260),

Samtang ang Batanes nga sakop sa Rehiyon 2 maoy labing gamay og rehistradong botante (11,006).

Base sa talaan sa Comelec nga adunay kinatibuk-an nga 54,363,329 ka rehistradong botante sa nasud diin ang National Capital Region (NCR) maoy labing daghan og botante sa tanang rehiyon 6,253,249. – /RUB) (BANAT NEWS)