14th Month Pay Bill suportahan sa konseho sa dakbayan sa Sugbo

CEBU, Philippines – Si Cebu City Congressman Rodrigo Abellanosa miduso og balaud nga nag-require sa mga employers nga mohatag sa ilang mga employees og 14th-month salary sa kada tuig diin ang maong cash benefit equivalent sa existing nga 13th-month pay.

Ang maong dugang benepisyo alang sa mga mamumuo nakadawat og suporta sa konseho sa Dakbayan sa Sugbo, diin paluyohan nila ang pagpasar sa House Bill 6239 kon "14 Month Salary Law."

“…to express the strongest and unqualified support on the passage of House Bill 6239 otherwise known as the "14th Month Salary Law" sponsored by Cebu City South District Representative Rodrigo "Bebot" Abellanosa which gives additional benefits to our working class,” nakasulat sa resolution nga gipreparar ni Konsehal Alvin Dizon nga giaprobahan sa konseho sa miaging semana.

Si Dizon mipasabot nga ang mga pamuo mao ang “primary social economic force” apan ang ilang kinitaan kuwang kanunay sa padayong pagsaka sa mga presyo sa batakang palaliton maong “hugot-bakos” ang buhaton sa maong sektor sa matag adlaw.

Ang konseho mihangyo sa Department of Labor and Employment-7 sa estriktong pagmonitor sa pagsunod sa mga kompanya sa Presidential Decree 442 kon “Labor Code of the Philippines” ug Presidential Decree 851 kon “Thirteenth Month Pay Law.”

Sa bag-o nga giduso nga balaudnon, ang mga employers kinahanglang mohatag ang mga magpapatigayon og 14th-month salary bisan unsa pa ang klase sa trabaho sa ilang kawani. – /EIM) (BANAT NEWS)