P3.6B budget sa Kapitolyo sa 2016
CEBU, Philippines - Gipasar na sa Provincial Board ang 2016 annual budget sa Kapitolyo nga kantidad og P3.6 bilyones.
Matud ni Bokal Grecilda Sanchez-Zaballero nga nalakip sa budget ang salary adjustment sa mga kawani sa Kapitolyo isip pangandam sa panahon nga maaprobahan ang bag-ong salary standardization law sa Kongreso sunod tuig.
Nalakip usab ang budget sa mga provincial ug district hospitals alang sa pag-upgrade sa mga facilities ug pagpamalit og mga tambal ingon man ang pag-renovate sa Cebu South Bus Terminal.
Giawhag ni Sanchez ang mga department heads sa Kapitolyo nga tungod sa ka limitado sa trabaho sa PB nga tigpanday og ordinansa, pwede maapas ang ila dugang pangayuon nga budget pinaagi sa supplemental budget.
Sa mao’ng annual budget, uno porsiyento niini ang intelligence fund nga gamiton sa local chief executive alang sa peace and order situation. (Renan Alangilan/GMR) (BANAT NEWS)
- Latest
