CEBU, Philippines - Gitug-an ni Talisay City Prosecutor Marshal Rubia nga niduso og motion for inhibition ang anak ni Mayor Johnny de los Reyes nga si Clifford labot sa kaso’ng gisang-at ni kanhi kongresista Eduardo Gullas.
Matud ni Rubia nga gipasanginlan sila nga bias ug wala sila’y kompiyansa sanglit ang patron nila mao man si Gullas.
"It is their right ug normal ra pud ni namo kay this is not the first time nga nakadawat mi og inhibition," matud ni Rubia.
Asoy ni Rubia nga ila una’ng estoryahon kun mosugot ra sa kaso si Fiscal Maria Alice Englis nga dili mo-inhibit.
Gipasabot ni Rubia nga wala’y makapugong kanila nga dili mo-inhibit gawas lang og kamanduan sa ila labaw.
Iya’ng giklaro nga ang ila’ng opisina ang “no special treatment” sa tanang kaso ug gisanglitanan ang kaso ni Joavan Fernandez nga anak ni kanhi mayor ug karon Konsehal Socrates Fernandez.
Si Mayor JVR ang gipasakaan og kaso’ng arson sa pagsunog sa mini-dumptruck nga giparada sa Talisay City Police Station.
Gani si JVR ang niduso sab og motion for inhibition sa buhatan ni Rubia.
"Although wala gyuy basis ang ila’ng mosyon pero ni-inhibit lang gyud ta aron to erase the doubt," sigun pa ni Rubia.
Dugang niya nga kung aduna la’y basis nga pasakaan hayan ila kini’ng tagdon ug i-dismiss sab kun wala’y igo’ng basehan.
"We’ve been fair to everybody nga moari sa ato’ng opisina to seek justice," dugang ni Rubia. (Gabriel C. Bonjoc/GMR)(BANAT NEWS)