Traffic, basura, seguridad atol sa IEC 2016 gituki

CEBU, Philippines - Gituki kagahapon sa buntag sa buhatan  ni Mayor Michael Rama kauban ang mga kadagkuan sa nagkadaiyang ahensya kuyog sa secretary general sa International Eucharistic Congress nga si Auxiliary Bishop Dennis Villarojo ang mga problema nga motumaw atol sa maong kalihukan nga ipahigayon dinhi sa Dakbayan sa Sugbo sunod tuig.

Matud pa ni Villarojo, gituki sa ilang panagtigom ang pagpangandam kung unsaon nila pagpahapsay sa dagan sa trapiko, koleksyon sa basura ug seguridad. Giangkon niya nga ang Archdiocese of Cebu nagkinahanglan og tabang sa kagamhanan.

Sumala pa ni Villarojo, lakip sa ilang gituki ang mga nagkadaiyang venue nga buhatanan sa mga nagkadaiyang kalihukan sa IEC.

Ang operation chief sa Cebu City Transportation Office Joy Tumulak nibutyag nga  gikan sa Disyembre 15 hangtod mahuman ang IEC gilaoman nila nga masinati gayud ang grabeng traffic sa dakbayan ug mao kini ilang gipangitaan og paagi. (BANAT NEWS)