CEBU, Philippines - Usa ka consultative meeting kalabot sa gihimong loading ug unloading bay sa merkado sa Tabunok ang himuon human nga nitumaw ang reklamo sa mga manindahay ug ubang mga sektor sa siyudad sa Talisay.
Apan bisan pa niini, alang sa mga opisyal sa Talisay ug mga manindahay sa Tabunok, uwahi na ang tanan tungod kay hapit nang mahuman ang proyekto nga iya sa Department of Public Works and Highways (DPWH).
Lakip nga gidapit sa maong tigum ang mga vendors sa Tabunok, traysikol drayber ug uban pa.
Gani si Kongresista Gerald Anthony "Samsam" Gullas kinsa maoy naningkamot nga mapatuman ang maong proyekto nitambong sa maong kalihukan.
Sa nasayran, nipiyait ang mga manindahay sa Tabunok human nga sila susama nga gikoral ug walay klarong agianan ang mga traysikol ug ubang mga sakyanan human gitukod ang loading ug unloading bay. (BANAT NEWS)