Malacañang hangyuon mag-holiday atol sa IEC 2016

CEBU, Philippines - Posible nga mohangyo ang Artsediyosesis sa Sugbu nga mag-holiday ang Dakbayan sa Sugbo atol sa pagpahigayon sa International Eucharistic Congress (IEC) sunod buwan.

Matud ni Cebu Archbishop Jose Palma nga buot niyang malikayan ang kahasol unya sa mga tawo tungod sa traffic.

Ila pa kini tan-awon kung kinahanglanon gyud nga hangyuon ang Malacañang pagpadeklarar og holiday. Dugang pa ni Palma nga nanghinaot nga ma deklarar nga walay klase sama sa nahitabo atol sa Asia Pacific Economic Cooperation (APEC) Summit sa niaging buwan.

Siguradohon ni Palma nga matuki kini atol sa pag-adto niya sa kaulohan uban ang mga miyembro sa maong dakong kalihokan.

Samtang si Mayor Michael Rama nakigtagbo kagahapon sa mga IEC Organizers sa Cebu City Hall. Wa pa hinuon kini mohatag og pamahayag bahin sa hangyo ni Palma. Ang IEC himuon sud sa usa ka semana nga tambongan og gibanabanang 15 mil ka mga delegado gikan sa nagkalain-laing mga nasud. (Sheriza Mae R. Uy/EIM)

Wa motuman sa P13 wage increase gibantayan

Giawhag sa Department of Labor and Employment (DOLE)-7 ang mga mamumuo nga motabang sa pag-monitor sa ilang mga kompaniya dinhi sa Metro Cebu kun nihatag ba sila sa usbaw nga P13 sa minimum nga suhulan.

Niadtong Oktubre 10 gipatuman ang bag-ong minimum wage order No. 19 nga P353 nga giluwatan sa Regional Tripartite Wages and Productivity Board (RTWPB)-7 dinhi lang sa Metro Cebu gikan sa P340 nga minimum wage.

Matud sa tigpamaba sa DOLE-7 Luchel Taniza, sukad sa pagpatuman sa wage order kapin usa ka buwan na ang nakalabay ang ahensiya nakadawat na og reklamo gikan sa mga mamumuo batok sa kompanyang ilang gitrabahoan kay wala motuman niini.

Hinoon, gitawagan na sa DOLE-7 ang maong mga kompaniya human gipaubos sa Single Entry Approach (SENA) ang maong mga reklamo. Andam usab tubagon sa ahensiya ang mga pangutana labot sa pagpatuman sa bag-ong wage order pinaagi sa social networking site nga Facebook o personal nga mobisita sa ahensiya.

Ang 51st International Eucharistic Congress anhi pagahimuon sa Cebu City. Duha ka mga dagkong kalihokan ang mahitabo sa maong adlaw. Kini mao ang Theological Symposium ug ang Congress Proper. Gikan sa IEC2016.com(BANAT NEWS)