CEBU, Philippines - Nitapon sa Bando Osmeña Pundok Kauswagan (BOPK) ang kanhi kapitan sa Barangay Tinago kinsa ig-agaw ni Mayor Michael Rama.
Gikompirmar ni kanhi kongresista ug mayor Tomas Osmeña nga opisyal na gyud nga nitapon si Domingo Lopez sa BOPK.
Matud ni Barangay Tejero Konsehal Garry Lao ug kaalyado sa BOPK nga ang pagtapon ni Lopez usa ka daku’ng kaayuhan sa grupo.
“It’s a welcome development of BOPK family, politics in addition ang pagtapon ni Lopez sa pamilya’ng BOPK,” matud ni Lao.
Niadto’ng barangay election sa 2013 nagkadungan pagpapili sa pagka-kapitan sa Tinago sila si Kapitan Joel Garganera ug Lopez apan si Rama wala’y gidapigan sa ila’ng duha.
Sa Facebook Account ni Lao adunay hulagway nga uban ni Lopez ang mga miyembro sa BOPK pagpamatuod sa iya’ng pagtapon. (BANAT NEWS)