CEBU, Philippines - Gipasirad-an sa Cebu City Inter-Agency Council Against Trafficking in Person (CCIACAT) ang usa ka bikini bar nga nahimutang sa Mango Avenue.
Kini tungod sa kalapasan sa City Ordinance 2163 kon ang Cebu City Anti-Trafficking in Persons Ordinance ug Republic Act 9208 kon ang Anti-Trafficking in Persons Act of 2003.
Niadto’ng Septiyembre 22, 2015 nihukom ang korte nga nakalapas sa balaud ang tag-iya sa Red Lips Bikini Bar gumikan kay may mga minor de edad nga nalambigit sa prostitusyon.
Kasamtangang nag-atubang og kaso’ng kriminal sila si Janeth Bughao, Genevieve Badiang ug Shiela Dedicatoria kinsa mabilanggo sa tibuok kinabuhi ug multa nga tag P2 milyones.
Tuig 2012, ang International Justice Mission nagpahigayon og surveillance sa mao’ng bar.
Si CCIACAT vice chairman, Konsehal Lea Ouano-Japson, nirekomendar sa pag-revoke sa permit.
Kagahapon ang Prevention, Restoration, Order, Beautification Enhancement (PROBE) Team ang nisirado sa bar. (BANAT NEWS)